Lu grillu e lu vespiceddhru
Allu dibbattitu ‘lla televisione
lu vespu ‘mbita lu novu patrone.
Nun’ave Santi, nun’ave poi.
“Vinciamo noi”.
Trase lu grillu facci ‘ncagnatu,
de comu trase lu vidi ‘rraggiatu.
Crida, castima, mena sputazze:
n’asu de mazze.
Lu vespiceddhru nu sape ce face
mòzzaca e cittu, cu menta pace.
Pare ca cunta, poi rrunchia lu
musu
tuttu scurnusu.
Nun’ìa mai vistu na cosa de
quiste,
abbituatu ‘lle facci triste.
Mai-sia-Signore li cazza la
‘mpuddhra,
nu dice nuddhra.
Lu vespiceddhru la sape la storia
ìa già capitu “dov’è la vittoria”.
Ci mi dè ‘mmangiu lu chiamu tata:
strada ‘mparata.
È giornalismo d’alto livello:
servi oggi questo, domani quello.
Mo ca in Europa mandamu ‘sti
grilli
stamu tranquilli.
Nessun commento:
Posta un commento